[size=18]البيبسى : ياميرندا صاحيه ولا نايمه
الميرندا : صاحيه وانت ايه اللى مصحيك لحد دلوقتى لسه ربع ساعه والراجل يقفل المحل ويقفل النور
البيبسى : ممكن آقعد جانبك
الميرندا : اتفضل
البيبسى : تحبى نتكلم فى ايه
الميرندا : عادى اى حاجه ولو هتطول قول عشان استآذن من بابا وآنام بره الصندوق
البيبسى (فرحان) : احرجتينى وطلعتى زى ما قالت ماما
الميرندا : وهى قالت ايه
البيبسى : قالت الميرندا احلى من الفانتا
الميرندا : فانتا آل فانتا آل
البيبسى : ليه مالها الفانتا دى تهبل
الميرندا : ماشى لو عاجباك روحلها فى الصندوق بتاعها ..سلام
البيبسى : ايه يا ميري زعلتى من كلامى دا انتى ستهم كلهم
وفى اللحظه دى صاحب المحل حط جنبهم ازازه فانتا
البيبسى : نورتى الصندوق يا فانتا..ايه يا اخواتى الحلاوه دى
الميرندا : وكمان بتغازلها قدامى..وانا معاك من الصبح يا عبد يا اسود
الفانتا : دى مالها دى متعصبه ..ياي غيرانه
البيبسى : سيبك منها بس قولى ايه الجمال اللى انت فيه ده
الميرندا : قولى يا قصيره يا قزمه
الفانتا : روحى كده وانت بآلك اسبوع مرميه فى الصندوق ومحدش معبرك
البيبسى : هدوء يا جماعه كل واحده فيكم فيها مميزات انتوا الاتنين حلوين
وفجآه جيه زبون المحل واخد التلات ازازات فى كيس و روح البيت وفتح الفانتا و شربها
البيبسى : الحمد لله كانت مضايقانا الفراوله..(منافق و بوشين)
الميرندا : وكمان جايلك عين تتكلم..روح وراها يا اسود
البيبسى : (بينه و بين نفسه) : ضاعت عليا الفانتا وكمان الميرندا
وقعدت الميرندا تعيط وتقول لنفسها يقطع الحب وسنينه لحد اما سخنت
وجيه واحد يشربها لقاها سخنه فارماها فى الزباله
وكانت ديه نهايه مؤلمه لقصه حب[/size]
الجمعة أغسطس 21, 2009 2:59 pm
